Dati u Ħin
Il-Ġimgħa, 29 ta’ Lulju, 2022, 7.30pm
Il-Ħadd, 31 ta’ Lulju, 2022, 6pm
Il-Ġimgħa, 5 ta’ Awwissu, 2022, 7.30pm
Is-Sibt, 6 ta’ Awwissu, 2022, 8.30pm
L-Erbgħa, 10 ta’ Awwissu, 2022, 7.30pm
Il-Ħadd, 14 ta’ Awwissu, 2022, 6pm
Il-Ħamis, 18 ta’ Awwissu, 2022, 7.30pm

Il-produttur rebbieħ tal-premjijiet, Jonas Carpignano, jesplora t-tifsira reali tal-familja f’A CHIARA, li huwa dramm neorealist u kuraġġuż ambjentat fl-Italja u jirrakkonta l-istorja tal-vjaġġ lejn l-età adulta ta’ tifla adolexxenti li qed tipprova tikkonfronta d-dnubiet ta’ missierha.

Permezz ta’ prestazzjoni ċentrali impressjonanti, Swamy Rotolo tagħmilha ta’ Chiara, it-tifla ta’ 15-il sena ta’ familja sinjura li r-rabtiet tagħha mal-kriminalità mafjuża organizzata lokali jibdew jinkixfu wara rivelazzjoni xokkanti. Dan it-tielet film fit-“Trijoloġija mill-Kalabrija” – fejn il-films huma vagament relatati ma’ xulxin – (wara Mediterranea u A Ciambra), dan l-aħħar film ta’ Carpignano jkompli jesplora l-faqar u l-kriminalità li jsawru t-tessut soċjali tal-komunità tar-raħal żgħir ta’ Gioia Tauro. Rebbieħ tal-premju Europa Cinemas Label għall-aqwa film Ewropew, fil-Ġimagħtejn tad-Diretturi ta’ Cannes tal-2021.