Data u Ħin: Is-Sibt 2 Ġunju 2018, 3:00PM

Post: Ċinema (Kavallier ta’ San Ġakbu)
Prezz: Dħul b’xejn (Prenotazzjonijiet meħtieġa)

Richard Carson, multimiljunarju ambizzjuż, irid li jaħkem is-satellita terrestra u jisfrutta s-sors tal-enerġija nadifa tal-futur, il-Helio 3. Sabiex jikseb dan jeħtieġlu l-ewwel iħassar mill-Istorja kwalunkwe traċċa tal-astronawti ta’ Apollo XI, u l-ewwel passi tagħhom fuq il-qamar. L-uniku wieħed li jista’ jwaqqaf lil Carson huwa Mike; surfer ta’ 12-il sena. Bl-għajnuna ta’ sħabu, in-Nerdy Marty, Amy, dik li ’l quddiem għad tkun ġurnalista,  u gremxula b’aspirazzjonijiet li ssir Godzilla, jivvjaġġaw lejn il-qamar fil-kumpanija tan-nannu ta’ Mike, astronawta rtirat li ilu maqtugħ mill-familja tiegħu għal snin twal. Issa r-responsabbiltà taqa’ kollha kemm hi f’idejn Mike, mhux biss sabiex isalva l-futur tad-dinja, iżda wkoll dak ta’ familtu.

Dan l-avveniment huwa possibbli grazzi għall-kollaborazzjoni bejn l-Ambaxxata ta’ Spanja f’Malta u Spazju Kreattiv.