Irreġistrata lajv mill-Moska fl-21 ta’ Diċembru 2014

‘Żgur li hemm kull raġuni biex wieħed jiġġennen kieku ma kienx għall-mużika.’
Pyotr Illyich Tchaikovsky

L-ewwel wirja: Il-Ħadd 18 ta’ Diċembru 2016, 4.00PM
Repetizzjoni: Il-Ġimgħa 23 ta’ Diċembru 2016, 7.30PM
Post: Ċinema (Kavallier ta’ San Ġakbu)

Lejliet il-Milied, il-pupu tal-injam ta’ Marie jittrasforma fi prinċep ħaj u majestuż li joħodha fuq vjaġġ maġiku. Iżda qabel ma jitilqu, jistħoqqilhom iħabbtu wiċċhom mar-Re Ġurdien u l-armata tiegħu li qed thedded lil Marie…

Ibbażata fuq l-istorja ta’ Ernst Theodor Hoffman, ‘Nutcracker and the King of Mice’, riveduta minn Alexander Dumas, u oriġinarjament ikkoreografata minn Marius Petipa, u issa interpretata mill-ġdid minn Yuri Grigorovich, l-istorja tan-Nutcracker xorta waħda tisħaqq fuq l-essenza ta’ dak kollu li sirna nħobbu. Ċelebrazzjoni, kunflitt, art ta’ borra, u art ta’ ħelu – din hija l-avventura eċċitanti ta’ tifla Ġermaniża u l-laqgħa misterjuża tagħha mal-Prinċep Nutcracker f’lejl tal-Milied, u f’ħolma li ma tintesiex.

Nota dwar il-prezz tal-biljetti:
Agħmel użu mill-iskont esklussiv fuq biljetti li jkopru l-istaġun sħiħ:
Għat-trażmissjonijiet diretti jew għall-ewwel wirja: €90.00
Għar-repetizzjonijiet: €75.00

https://www.youtube.com/watch?v=05-n3PdtxQ0&spfreload=10