Data u Ħin:

Is-Sibt, 16 ta’ Settembru, 2023 fit-8.30pm
L-Erbgħa, 20 ta’ Settembru, 2023 fis-7.30pm
Il-Ħamis, 21 ta’ Settembru, 2023 fid-9.00pm
Il-Ħadd, 24 ta’ Settembru, 2023 fil-5.30pm
It-Tlieta, 10 ta’ Ottubru, 2023 fis-7.30pm
Il-Ħadd, 1 ta’ Ottubru 2023 fil-5.30pm
L-Erbgħa, 4 ta’ Ottubru, 2023 fis-7.30pm

Id-drama ta’ tqanqil ta’ Clement Virgo Brother, li ntweriet għall-ewwel darba fil-Festival Internazzjonali tal-Films ta’ Toronto tal-2022, hija meditazzjoni emozzjonali dwar il-maskulinità midruba, l-identità miksura u s-setgħa tal-familja.

Il-film, li jgħaddi minn tliet żminijiet, mit-tfulija għall-adoloxxenza u għall-età adulta, jesplora l-varjazzjoni fir-relazzjoni bejn żewġt aħwa Ġamajkani-Kanadjani, magħquda bl-imħabba iżda mbiegħda miċ-ċirkostanzi. Francis (Aaron Pierre ta’ The Underground Railroad), il-kbir, huwa pilastru tal-komunità lokali. Kulħadd — minn tfal ċkejkin isuqu r-roti tagħhom fit-triq sal-ħaddiema fil-ħanut tal-kantuniera — jaf min hu u huma affaxxinati bl-għajnuna u l-imġiba kalma tiegħu.

Michael (Lamar Johnson ta’ The Last of Us u The Hate U Give), min-naħa l-oħra, jipprova jagħmel minn kollox biex ikun inviżibbli, billi jilbes il-headphones tiegħu u jimblokka d-dinja ta’ madwaru. Xi kultant, l-aħwa jkunu qrib ta’ xulxin, daqqiet oħra maqtugħin minn xulxin, speċjalment wara li Francis jitlaq mill-kulleġġ biex isegwi karriera fil-mużika, u jħalli lil Michael waħdu fil-bunk beds  tagħhom li qabel kienu jaqsmu. Huwa biss meta l-aħwa jsiru xhieda fi sparatura li l-iżvolġiment ta’ ħajjithom jinbidel għal dejjem.