Pawlu Curmi ‘Il-Pampalun’ kien bniedem li l-kontribuzzjonijiet tiegħu lejn il-karnival Malti ma jistgħux ikunu injorati. Imwieled fit-12 ta’ Diċembru fis-sena 1930 fil-Belt Valletta, Il-Pampalun kien it-12 -il wild minn 13 u minn età żgħira wera interess lejn il-Karnival ta’ Malta billi jgħin lil missieru Giovanni fil-karrijiet u maskaruni.

Minn hemm il-karriera tiegħu fil-karnival kompliet u kibret, billi mess mal- elementi taż-żfin u l-koreografija u ħafna aktar. ‘Lil hinn mill-karnival, ‘il-Pampalun’ kien bniedem ta’ bosta delizzji, b’karattru li ħalla impatt mhux biss fuq il-komunità tal-Karnival u dik Beltija, imma li ħalla legat ikkulurit warajh. Ingħaqad magħna f’din l-esebizzjoni bil-kurazzjoni u riċerka ta’ Mario Coleiro aħna u nesploraw il-bniedem u l-leġġenda.

Tim Kreattiv

KURATUR
Mario Coleiro

Il-Karnival ta’ Malta 2024 huwa organizzat minn Festivals Malta b’kollaborazzjoni ma’ Heritage Malta, Spazju Kreattiv, il-Kunsill Lokali tal-Belt Valletta, il-Kunsill Lokali tal-Floriana, u l-Kunsill Lokali tal-Ħamrun. L-avvenimenti fil-programm tal-Karnival huma wkoll issaportjati mill-Ministeru għall-Wirt Nazzjonali, l-Arti U Gvern Lokali u GSD Marketing Ltd.