Dati u Ħinijiet: Is-Sibt, 7 April 2018, 2PM – 10:30PM
Post: Spot A, Studjow A, Studjow B, Teatru
Prezz:
Dħul għall-installazzjoni, il-mużika lajv u s-sessjonijiet pubbliċi se jkun b’xejn.
Dħul għar-rappreżetazzjoni tas-sintetizzaturi modulari u l-workshops se jkun għall-prezz wieħed ta’€10.

Circuits 2018 hija ġurnata ta’ diskussjonijiet, rappreżentazzjonijiet u workshops interattivi mmirata għall-iskambju ta’ ideat fejn tidħol il-mużika, it-teknoloġija u l-prattika kreattiva.

Organizzata mill-għaqda volontarja Electronic Music Malta (EMM), din hija t-tielet edizzjoni tal-konferenza tal-mużika Circuits.

L-attivitajiet se jinkludu installazzjoni minn Late Interactive, mużika lajv u sessjonijiet edukattivi, sessjoni tas-smigħ ta’ diski vinyl, espożizzjoni ta’ drum-machines, taħditiet pubbliċi dwar suġġetti bħall-midja interattiva, inizjattivi tal-artisti, strumenti etniċi u mużika elettronika mill-Afrika ta’ Fuq, workshops dwar is-sinteżi modulari, il-mastering u s-softwer biex tagħmel il-mużika, u taħdita segwita minn rappreżentazzjoni minn mono-poly (min-Netherlands) u l-mużiċisti lokali RAIM u Parallaks.