Dehumaneation

Nesploraw l-ispazju bejn id-deżumanizzazzjoni, l-umiljazzjoni u n-nazzjon permezz ta’ perspettiva ġeopolitika u storika.

Dehumaneation hija wirja li tgħaqqad pitturi ta’ Shaun Grech, film, installazzjoni, rakkonti, u dibattitu kritiku biex tesplora dawn il-kunċetti kumplessi. Kurat minn Prof. Raphael Vella u bl-użu tal-inevenzjoni tal-kelma, il-kunċett u l-investigazzjoni Dehumaneation, ngħaqqdu dawn it-tliet kunċetti flimkien (id-deżumanizzazzjoni, l-umiljazzjoni u n-nazzjon) biex nindirizzaw firxa ta’ każijiet u manifestazzjonijiet ta’ dan l-ispazju intersezzjonali. Mingħajr mistħija ta’ xejn, dan il-proġett jiddikkjara ruħu bħala wieħed politiku u għandu l-għan li jiftaħ spazju għal riflessjoni kritika attiva u dibattitu dwar firxa ta’ kwistjonijiet li jniggżu, waqt li jimmaġina siti ta’ reżistenza kritika fl-ispazju artistiku.

Numru limitat ta’ Q&As ma’ Shaun Grech u Raphael Vella ser ikunu organizzati f’Jannar u Frar. Min hu interessat jattendi, jrid jibbukja post billi jimla l-formola t’hawn taħt fid-data preferuta:

Is-Sibt 30 ta’ Jannar fit-8:00pm

L-Erbgħa 17 ta’ Frar fit-8:30pm

Il-Ġimgħa 26 ta’ Frar fis-6:30pm

ARTIST
Shaun Grech

KURATUR
Raphael Vella

KOLLABORATURI
Paul Portelli, Martin Bonnici