Spazju Kreattiv u Creative Europe Desk Malta b’kollaborazzjoni mal-Ministeru tal-Edukazzjoni u l-Ministeru tal-Wirt Nazzjonali, l-Arti u l-Gvern Lokali qed jospitaw il-Premjijiet tal-Udjenza Żgħażagħ tal-Premji tal-Film Ewropew onlajn!

Ġurija żagħżugħa madwar l-Ewropa ser tara tliet films nominati onlajn u tivvota għall-favorit tagħha li se jingħata l-Premju tal-Udjenza Żgħażagħ 2021.

Il-films nominati għall-2021 huma Pinocchio, Wolfwalkers u The Crossing. Il-ġurija Maltija kienet okkupata din il-ġimgħa tara l-films u se tagħti l-vot tagħha nhar il-Ħadd 25 ta’ April.

Iċ-ċerimonja tal-premjazzjoni se ssir nhar il-Ħadd 25 ta’ April 2021 fis-7.00pm. Iċ-ċerimonja ħa tkun murija permezz ta’ live stream fuq il-website tal-Premju tal-Udjenza Żagħżugħa.