Farmor

Ser tkun ippreżentata onlajn

Xi wħud jgħidu li d-dar tinsab x’imkien fil-passat; oħrajn jgħidu li d-dar tinsab f’nies oħra; u għal oħrajn, id-dar tinsab fihom infushom. Id-dar, darba kienet post konkret u msejjes b’mod sod, u issa, fi żmien ta’ ipermobilità u migrazzjoni, tista’ tkun kullimkien, jew saħansita mkien. X’inhuma dak il-fatturi li jippromovu sens ta’ appartenenza?

The FARMOR Project huwa investigazzjoni ta’ sentimenti ta’ dar u appartenenza, kondotta mill-artisti Florinda Camilleri (MT), Marie Keiser-Nielsen (DK) u Niels Plotard (FR). Hekk kif joħloq spazju għal riflessjonijiet u konversazzjonijiet fuq is-sentimenti kontemporajnji ta’ dar u appartenenza, il-proġett juri l-varjeta’ ta’ dawn l-idejat, u b’hekk, jgħin lill-parteċipanti u l-udjenżi jifhmu aħjar is-sentimenti tagħhom stess.

Dan il-proġett ra l-bidu tiegħu fl-Aarhus, fid-Danimarka f’Awwwisu tal-2019, taħt residenża koreografika organizzata mill-Pjattaforma tal-Arti Performattivi. It-tieni fażi qed iseħħ fil-Belt Valletta, bħala parti mill-programm ta’ Spazju Kreatiiv li huwa issaportjat ukoll mir-’Research Support Grant’ tal-Kunsill Malta għall-Arti.

Fi ħdan is-Serje tal-Belt Valletta, it-tim adatta ruħu biex jaħdem f’dan il-perjodu ta’ pandemija globali, fejn il-konversazzjonijiet, is-sentiment u l-appartenenza fid-dar huma iktar siewja minn qatt qabel. L-artista testwali Manuela Zammit  ingħaqdet mat-tim biex toħloq illustrazzjonijiet ta’ sejbiet u li dawn jiġu esebiti permezz ta’ pjattaformi onlajn. L-għeluq ta’ din il-fazi ta’ dan is-serje se jilħaq il-qofol tiegħu b’ esperjenża ta’ ħsejjes u li ser tiġi trażmessa nhar il-Ħadd 19 ta’ April 2020.