parti mill-programm ta’ Science in the City

Dati u ħinijiet:
Il-Ġimgħa 30 ta’ Settembru 2016, 6.30PM
Il-Ġimgħa 30 ta’ Settembru 2016, 8.00PM
Il-Ġimgħa 30 ta’ Settembru 2016, 9.30PM

Post: Teatru (Kavallier ta’ San Ġakbu)

X’jiġik f’moħħok meta tgħid Dimensja?
Telf tal-memorja.
Fraġilità.
“M’għadux hawn.” “M’għadux hemm.”
Tilef il-kontroll…

I Am Still Here (‘Għadni hawn’) tfakkarna li kull individwu li jsofri mid-dimensja għadda minn vjaġġ twil u tedjanti. Ħajja mimlija esperjenzi eċitanti u ferrieħa (jew ta’ dwejjaq!), relazzjonijiet, ħsibijiet u emozzjonijiet li flimkien iffurmaw lil dawn il-persuni, u li għalhekk jixirqilhom jiġu mfakkra.

L-effetti u s-sintomi viżibbli ta’ din il-marda krudili, li kull ma jmur qed taffetwa ħafna aktar nies, huma ċari. L-isfida issa hi li wieħed iħares lil hinn minnhom u jħares lejn il-persuna li hemm moħbija taħt il-marda – persuna li qed tiġġieled, li qed tinsa’,  imma li għadha hemm.