Encore: Is-Sibt, 7 April, 2018, 7:30PM
Encore: Il-Ħadd, 29 April, 2018, 6:00PM

Post: Ċinema (Kavallier ta’ San Ġakbu)

Imxandra live minn The Bridge Theatre, London, il-produzzjoni ta’ Nicholas Hytner turi iċ-ċelebrazzjonijiet nobbli, il-konfoffi, in-niket u t-taqlib tat-traġedja dejjiema ta’ Shakespeare. Meta Ċesari jirritorna trijonfantament lejn Ruma u jirbaħ il-qalb tal-poplu, jqiegħed lilu nnifsu f’pozizzjoni vulnerabbli migħajr ma’ jintebaħ. Fost dawk li jduru kontrieħ nsibu lill-Marcus Junius Brutus, li jingħaqad mal-konfoffa kontrih għal dak li hu jemmen hu l-ġid ta’ Ruma. Imma l-att kontra Ċesari malajr jikkawża l-kaos fl-Imperu.

Ġulju Ċesari huwa wieħed mid-diversi drammi ta’ Shakespeare li huma ibbażati fuq l-istorja Rumana u jingħad li huwa l-ewwel xogħol tiegħu li ġie imtella fil-famuż Globe Theatre. Minkejja l-karattru titulari, ix-xogħol jiffoka fuq Brutus. Ix-xogħol huwa magħruf ukoll għar-rabtiet li għandu ma’ xogħolijiet oħrajn, fosthom Anthony u Cleopatra, fejn jiġi elaborat il-kunflitt bejn żewġ karattri – Mark Anthony u Octavius – kif wkoll it-traġedja Hamlet, li fiha Polonius jirrelata dwar kif darba kiseb l-irwol ta’ Ġulju Ċesari.

Ben Whishaw (The Danish Girl, Skyfall, Hamlet) u Michelle Fairley (Fortitude, Game of Thrones) jieħdu l-irwoli ta’ Brutus u Cassius, David Calder (The Lost City of Z, The Hatton Garden Job) dak ta’ Ċesari u David Morrissey (The Missing, Hangmen, The Walking Dead) huwa Mark Antony.

Nixtiequ navżawkhom li ser ikun hemm id-dwal iteptpu waqt l-avveniment.

Prezz
Encore: €12
Konċessjonijiet (Studenti u anzjani): €10
Tfal taħt it-12-il sena: €5