STEAM – Teatru tal-Pupazzi – Esperimenti Interattivi

Dati u Ħinijiet:
Is-Sibt 26 Mejju 2018, 3:00PM: Acids and Bases (Kimika)

Post: Studjow A (Kavallier ta’ San Ġakbu)
Prezz: €6

Kids Dig Science huwa kunċett maħsub mit-tim ta’ Science in the City fil-Malta Chamber of Scientists. Dan l-istaġun flimkien ma’ Spazju Kreattiv, Kids Dig Science jippreżenta numru ta’ prestazzjonijiet, kollha kemm huma għandhom x’jaqsmu ma’ suġġetti speċifiċi kemm fi ħdan kif ukoll barra l-kurrikulu tal-iskejjel.

It-tim tagħna jiltaqa’ max-xjentisti biex jiskopri l-aktar informazzjoni kurrenti fejn tidħol ix-xjenza, u mbagħad jissimplifikah għal tfal ’il fuq mill-età ta’ 6 snin.

Is-sena l-oħra, il-pupazzi tagħna rrakkontaw stejjer ta’ parasitiżmu u simbjożi, ippruvaw isolvu l-kwistjoni dejjem tikber tal-iskart billi jħarsu lejn ir-riċiklaġġ, żaru kull pjaneta fis-sistema solari, dawk sħan, dawk friżati, dawk gassużi, biex isibu dar adattata għal seħibhom. It-tfal saru paleontoloġi li studjaw il-fossili tad-dinosawri, għamlu estrazzjoni tad-DNA mill-banana, skoprew in-netwerk sensorju li huwa l-moħħ tagħhom.

Kids Dig Science huwa taħlita ta’ teatru interattiv u esperimenti xjentifiċi, logħob u snajja’ prattiċi. Għal sagħtejn, it-tfal ikollhom iċ-ċans jinvolvu ruħhom u jiddevertu max-xjenza!