Met Opera Encore: Wozzeck (Berg)2019 / 2020 Programme

Data u Ħin
Encore:  Il-Ħadd, 9 ta’ Frar 2020, fis-2:30PM
Post: Iċ-Ċinema ta’ Spazju Kreattiv

Yannick Nézet-Séguin jidderieġi din il-produzzjoni ġdida minn William Kentridge tal-kapolavur espressjonista ta’ Alban Berg, Wozzeck, magħrufa għall-qawwa emozzjonali intensa tagħha u skor brillanti, meqjusa bħala waħda mill-iżjed opri sinifikanti tas-seklu 20. B’kompożizzjoni ta’ matul l-Ewwel Gwerra Dinjija u l-perijodu li jsegwiha, l-esplorazzjoni ta’ Berg ta’ suldat assedjat mill-ħażen tas-soċjetà hija ambjentata f’binja magħmula minn turġien, rampi, għamara mormija, u terrapien. It-tpenġijiet animati tiegħu permezz tal-faħam, flimkien ma’ tpenġijiet oħra pproġettati, mapep u biċċiet tal-film, iqanqlu sens ta’ dinja mistkerrha ta’ ajruplani sfrakassati, searchlights, maskli tal-gass, u kampijiet tal-battalja. Peter Mattei jiddebutta bl-irwol tiegħu ta’ Wozzeck, flimkien ma’ Elza van den Heever fil-parti ta’ Marie, omm ibnu. Dawk li jitturmentaw lil Wozzeck huma d-Drum-Major, il-Kaptan, u t-Tabib, interpretati minn Christopher Ventris, Gerhard Siegel, u Christian Van Horn rispettivament. Andrew Staples jiddebutta fil-Met permezz tal-parti tiegħu bħala Andres.  Kentridge, li fil-passat idderieġa Lulu ta’ Berg u The Nose ta’ Shostakovich, nieda din il-produzzjoni matul il-Festival ta’ Salzburg fl-2017, fejn intlaqat tajjeb ħafna mill-kritiċi. Il-produzzjoni ta’ Kentridge hija koproduzzjoni ta’ Met, Canadian Opera Company, Opera Australia, u Il-Festival ta’ Salzburg.

Encore
Adulti: €15
Konċessjonijiet (studenti u anzjani): €12
Biljett għal Staġun Encore: €120 (prezz ridott, minflok €150)

• Konduttur: Yannick Nézet-Séguin
  Produzzjoni: William Kentridge
  Ko-Direttur: Luc De Wit
  Disinjatur tal-Projezzjoni: Catherine Meyburgh
  Disinjatur tas-Sett: Sabine Theunissen
  Disinjatur tal-Kostumi: Greta Goiris
  Disinjatur tad-Dawl: Urs Schönebaum