Produzzjoni oriġinali tas-Salzburger Festspiele mill-palk tal-Met Opera

“L-iżball tagħna kien li ktibna opri kbar li ma jispiċċaw qatt, u li jimlew serata sħiħa. U issa, dlonk jiġi wieħed b’opra ta’ att jew żewġ atti mingħajr ebda xeni mkabbrin u bla sens – dik kienet bidla tassew hienja.”
Giuseppe Verdi

Diretta: Is-Sibt 11 ta’ Marzu 2017, 7.00PM
Repetizzjoni: Il-Ħadd 2 ta’ Lulju 2017, 5.00PM; Il-Ħadd 25 ta’ Ġunju 2017, 5.00PM
Matinée: Il-Ħadd 9 ta’ Lulju 2017, 2.30PM
Post: Ċinema (Kavallier ta’ San Ġakbu)

Hija ħaġa tal-għaġeb li wara l-falliment inizjali tal-opra ta’ Verdi, La Traviata rnexxielha tisraq qlub in-nies, tant li saret fost waħda mill-aktar opri maħbubin fir-repertorju tal-MET. Wara d-drammi ferm akbar ta’ Rigoletto u Il Trovatore, is-suġġett u l-ambitu intimu tan-narrattiva ta’ La Traviata ħeġġet lill-kompożitur sabiex jikteb mużika li tassew tmiss il-qalb, mużika li tfakkar is-senstività ta’ Verdi aktar minn kull opra oħra li qatt għaddiet minn taħt idejh.

L-irwol ta’ waħda mill-aktar protagonisti maħbubin tal-opra, Violetta, huwa interpretat minn Sonya Yoncheva. Dan l-irwol, meqjus wkoll bħala l-quċċata tar-repertorju sopran, huwa bbilanċjat minn Michael Fabiano li jagħmilha tal-maħbub tagħha Alfredo, u Thomas Hampson bħala missieru, Germont.

Nota dwar il-prezz tal-biljetti:
Agħmel użu mill-iskont esklussiv fuq biljetti li jkopru l-istaġun sħiħ:
Għat-trażmissjonijiet diretti jew għall-ewwel wirja: €145.00
Għar-repetizzjonijiet: €120.00