Met Opera Live: The Gershwins’ Porgy and Bess2019 / 2020 Programme

Data u Ħin
Live: Is-Sibt, 1 ta’ Frar 2020, fis-6:55 PM
Post: Iċ-Ċinema ta’ Spazju Kreattiv

Porgy and Bess tal-Gershwins qiegħda tirritorna l-Met għall-ewwel darba wara l-1990, fi produzzjoni ġdida b’direzzjoni ta’ James Robinson, li wkoll qiegħed jiddebutta. “L-Opra folk” tal-Amerka ‒ hekk kif laqqmuha dawk li ħolquha lura fl-1935 ‒ tirrakkonta l-ġrajja tat-tallab diżabbli Porgy, parti interpretata minn Eric Owens, u l-imħabba tiegħu għal Bess ‒ maħkuma mill-vizzju tad-droga ‒ b’interpretazzjoni ta’ Angel Blue. David Robertson jidderieġi cast eċċezzjonali li fost oħrajn jinkludi lil Donovan Singletary bħala Jake s-sajjied, Golda Schultz bħala martu Clara, Latonia Moore bħala Serena l-armla, Frederick Ballentine fil-parti ta’ negozjant tad-droga, Sportin’ Life, Alfred Walker bħala Crown, ħaddiem tax-xatt brutali, u  Denyce Graves bħala Maria, matrijarka tal-belt u dik li tmexxi ħanut tal-ikel tal-lokal. B’taħlita ta’ melodiji ta’ klassiċi mill-iżjed maħbubin u li jibqgħu popolari dejjem, bħal “Summertime,” “It Ain’t Necessarily So,” “Bess, You Is My Woman Now,” “I Got Plenty o’ Nuttin,” u “My Man’s Gone Now,” il-koproduzzjoni l-ġdida ma’ L-Opera Nazzjonali Ingliża u L-Opera Nazzjonali Olandiża ġiet deskritta bħala trijonf fl-ewwel dehra tagħha ġewwa Londra iktar kmieni din is-sena.

Live
Adulti: €18
Konċessjonijiet (studenti u anzjani): €15
Biljett għal Staġun Live: €145 (prezz ridott, minflok €180)

• Konduttur: David Robertson
  Produzzjoni: James Robinson
  Disinjatur tal-Projezzjoni:Luke Halls
  Disinjatur tas-Sett: Michael Yeargan
  Disinjatur tal-Kostumi: Catherine Zuber
  Disinjatur tad-Dawl: Donald Holder