“Mitt Ruħ” huwa proġett interdixxiplinarju li jgħaqqad flimkien il-letteratura, l-illustrazzjoni u t-teatru. Il-ġabra ta’ stejjer żgħar illustrati Maltin ta’ Prof Ġorġ Mallia, “Mitt Ruħ”, hija l-ewwel punt tiegħu ta’ ispirazzjoni li mbagħad jesplora kif l-estetika partikolari viżiva u letterarja ta’ din il-ġabra tista’ tinforma l-estetika tal-prestazzjoni u d-disinn fi produzzjoni teatrali. Din il-ġabra ta’ mitt karattru toffri kalejdoskopju tal-psike Malti.

Kull storja żgħira tidħol fi kwistjonijiet topiċi li jaffettwaw lis-soċjetà kontemporanja Maltija, speċjalment kif l-invidwi jindirizzaw id-deġenerazzjoni u (f’xi każijiet) ir-riġenerazzjoni fl-isferi personali, intimi, relazzjonali, soċjetali u ambjentali tal-ħajja.

Fuq livell wieħed, ix-xogħol propost se jipproduċi stampa teatrika tas-soċjetà Maltija tas-seklu 21. Fuq livell ieħor, ix-xogħol iffukat fuq il-karattru se jistieden lill-udjenzi jirriflettu fuq il-valur tal-ħajja tagħhom stess.

Tim Kreattiv:
Ko-Kittieb u Ko-direttur: Victor Jacono
Ko-Kittieb u Ko-direttur: Clive Piscopo