Ippreżentata mill-Barbican Theatre ġewwa Londra

Repetizzjonijiet:
Is-Sibt 7 ta’ Novembru 2015, 7.30PM
Il-Ħadd 15 ta’ Novembru 2015, 6.30PM
Is-Sibt 5 ta’ Diċembru 2015, 7.30PM

‘Sinjur, f’qalbi kien hemm ċertu ġlied,
Li ma jħallinix norqod.’
William Shakespeare (Hamlet)

‘Qabel ma terħilha għat-triq tal-vendetta, ħaffer żewġ oqbra.’ Hekk jgħidilna Confucius. Il-vendetta tista’ tassew tkun xi ħaġa distruttiva, fejn kulħadd huwa vittma, u kulħadd għandu tort. It-traġedja ta’ Hamlet (Benedict Cumberbatch) hija dik l-istorja eżemplari tat-tpattija u retribuzzjoni, fejn it-tfittxija għall-ġustizzja, mgħawġa kemm hi mgħawġa, tasal biss biex tkompli tifred familja u stat aktar il-bogħod minn xulxin, filwaqt li tkompli tkisser persuna aktar u aktar mill-qrib.