Nothing Really Matters

Nothing Really Matters hija wirja ta’ pitturi mnebbħa minn għadd ta’ mistoqsijiet li, tul dawn l-aħħar snin, tnisslu fil-ħsibijiet tal-artista Debbie Caruana Dingli, u li huma ndirizzati lill-ommijiet “fittizji”, ommijiiet li ċċaħħdu minn uliedhom minħabba xi reat kriminali jew ieħor li kienu wettqu.

Dawn ix-xogħlijiet huma riflessjonijiet personali tal-artista; investigazzjoni suġġettiva fl-impatti emozjonali, psikoloġiċi u spiritwali li jġibu magħhom it-telf, is-separazzjoni, il-ħtija, l-indiema, il-mistħija, il-konfużjoni, l-biża’, is-solitudni, u kull tip u xorta ta’ emozzjoni u reazzjoni li titnissel f’dawk il-maħbubin li ma tantx nisimgħu dwarhom wara li tinqata’ s-sentenza: dawk l-ommijiet li, mingħajr uliedhom, bħal qisu wkoll jinqaflu f’tip ta’ ħabs għalihom.

ARTISTA
Debbie Caruana Dingli

KURATUR
Giulia Privitelli

FOTOGRAFU
Elisa von Brockdorff