
- This event has passed.
RAW CHICKS.BERLIN – Documentary Screening and Performance
13 February 2019 @ 7:30 pm
€5 – €7
Dati u Ħinijiet: L-Erbgħa, 13 ta’ Frar, 7:30pm
Post: Iċ-Ċinema ta’ Spazju Kreattiv
Prezz: €7 / €5 (membri tal-għaqda taċ-ċinema u l-EMM)
Id-dokumentarju RAW CHICKS.BERLIN jikkonsisti minn ħdax-il profil marbuta ma’ produtturi internazzjonali tal-mużika femminili li huma bbażati f’Berlin, b’enfasi fuq atti live; nisa li jitilgħu fuq il-palk bit-tagħmir tagħhom u jippreżentaw il-kanzunetti u l-kompożizzjonijiet tagħhom stess.
L-istil mużikali jvarja minn dawk sperimentali/elettroniċi u ‘noise’ għal dik elettro-akustika.
Id-direttriċi Beate Kunath tagħtina ħarsa lejn id-diversità tax-xena mużikali vivaċi ta’ Berlin u permezz ta’ varjetà ta’ artisti toħloq dokument għaż-żmienijiet, li jissupplimenta l-istorja tal-mużika sikwiet ddominata mill-irġiel b’perspettiva alternattiva femminili.
L-iskrinjar ta’ dan id-dokumentarju qed jiġi organizzat minn Electronic Music Malta f’kollaborazzjoni mal-Malta Sound Women Network u huwa parti mill-programm ta’ Spazju Kreattiv.
Qabel id-dokumentarju se sseħħu introduzzjoni qasira u rapreżentazzjoni.