Data u Ħin: Is-Sibt, 3 Marzu 2018, fl-10:30 AM
Post: Ċinema (Kavallier ta’ San Ġakbu)
Prezz:  Dħul b’xejn; prenotazzjoni minn qabel meħtieġ

‘The shores of the Mediterranean, jew ix-xtut tal-Mediterran, magħmula minn nies, popli, etniji, stejjer, karatteristiċi tal-ekonomija, kulturi u reliġjonijiet differenti…Il-kummerċ bejn il-portijiet Mediterrranji igawdi minn passat li jaf il-bidu taċ-ċivilizazzjoni Griega…l-awtoritajiet ta’ poter u politiċi li fittxew li jiddominaw il-bliet u l-ispazji tagħhom issawru ħafna żmien ilu.’

Rhythms of the City: dan id-dibattitu pubbliku huwa mnebbaħ minn kitba ta’ Lefevre fejn janalizza r-ritmu tal-bliet Mediterranji. Dan id-dibattitu ser ilaqqa’ numru t’esperti u professjonisti fl-oqsma tal-interkulturaliżmu, multilingwiżmu, festivals u bliet kulturali – kollha fil-qafas tal-proġett ‘The Mediterranean Dimension’.

Id-dibattitu jingħata bidu b’tliet provokazzjonijiet u jkompli bir-reazzjonijiet ta’ numru ta’ professjonisti u esperti li jwasslu għal dibattitu pubbliku.

The Mediterranean Dimension huwa proġett ta’ ARC Research & Consultancy, bl-appoġġ tal-Kunsill Malti għall-Arti u l-fondi multi-annwali tal-istess kunsill b’rabta ma’ Valletta 2018 Kapitali Ewropea tal-Kultura, u f’kollaborazzjoni ma’ Festival d’Aix-en-Provence, Spazju Kreattiv, Malta Philharmonic Orchestra, A Soul for Europe, Centre for Research in Culture and Performance fl-iskola tal-arti performattiv l-Università ta’ Malta u s-Soċjetà Maltija għall-Arti.