SACES – Architecture Student EXPO 2022
- This event has passed.
SACES – Architecture Student EXPO 2022
L-EXPO tal-Arkitettura tal-Istudenti hija ċelebrazzjoni ta’ dak kollu li l-Fakultà għall-Ambjent Mibni tagħmel fl-Università ta’ Malta.
Din hija opportunità biex tiġi kkomunikata l-kreattività tal-istudenti lis-soċjetà permezz ta’ disinni, skizzi, grafika diġitali u mudelli arkitettoniċi. L-istudenti se juru l-interpretazzjoni futura tagħhom ta’ kif l-ispazji u l-istrutturi jistgħu jkunu u x’ambizzjonijiet hemm għad-dinja li ngħixu fiha.
Matul din l-esibizzjoni ta’ ħames ġimgħat, l-istudenti se jkunu qed juru xogħlijiet mill-kantunieri kollha tal-fakultà, mid-Diploma fid-Disinn, sal-Masters u d-Dottorat, fejn il-viżjoni tagħhom għal dan l-avveniment tmur lil hinn minn espożizzjoni sempliċi ta’ xogħlijiet tal-istudenti. Il-mira tagħhom hija li joħolqu relazzjoni bejn il-komunità tal-istudenti tal-arkitettura u l-pubbliku, li tippermetti li x-xogħlijiet u r-riċerka tal-istudenti jiġu trasformati f’riżorsa għall-gżira tagħna.
The SACES 2021/22 Committee:
President | David Debattista
Vice President | Katia Gatt
Treasurer | Daniel Agius
Secretary General | Carla Cardona
Social Policy Officer | Abigail Debono
Public Relations Officers | Alexia Ellul & Len Abela Vassallo
Events Co-ordinators | Jake Sant & Matthew Micallef
MASP AWARDS 04/10
It-Tlieta 4 ta’ Ottubru, 2022, 7 pm
Il-Malta Architecture and Spatial Planning Awards huwa mezz biex jingħata rikonoxximent lil individwi li kienu jħallu impatt fuq il-prattika tal-arkitettura u l-ambjent mibni.
Għażla tar-rebbieħa tal-premjijiet MASP tal-2021 se jkunu qed jiddiskutu l-ħsibijiet tagħhom u jippreżentaw ix-xogħlijiet tagħhom.
CODE RED 11/10
It-Tlieta 11 ta’ Ottubru, 2022, 7 pm
Wara li n-Nazzjonijiet Uniti ħarġet Code Red b’rabta mal-emerġenza klimatika li bħalissa ninsabu fiha, Din L-Art Helwa waqfet l-inizjattiva ‘DLH Code Red’. Dan il-proġett jistieden studenti, speċjalisti, xjenzati u individwi interessati biex jgħinu fil-ġlieda għall-azzjoni meħtieġa kemm fuq skala nazzjonali kif ukoll internazzjonali.
Dan l-avveniment se jkun wieħed mill-ewwel b’rabta ma’ dan il-proġett, fejn se jiġu diskussi l-pjan ta’ azzjoni tagħhom u l-għanijiet eventwali.
Archi-Babble 25/10
It-Tlieta 25 ta’ Ottubru, 2022, 7 pm
Archi-Babble huwa avveniment mill-kalendarju SACES li jippermetti għażla diversa ta’ membri tal-panel biex jingħaqdu flimkien biex ikollhom dibattitu informali bejniethom, kif ukoll l-udjenza preżenti. Din l-edizzjoni ta’ Archi-Babble se tqabbel l-iżviluppi li qed isiru fix-xena arkitettonika Maltija, ma’ avvanzi li qed isiru fl-istess ħin fi bliet internazzjonali eżemplari.