Programm:

Il-Ġimgħa 30 ta’ Settembru 2016
6.00PM: Pupazzi: Inside Out and Marie Curie
6.30PM:Teatru tax-Xjenza (Sensiela dwar id-Dimensja): I Am Still Here
7.00PM: Malta Café Scientifique: Best Talks
7.00PM: Pupazzi: Inside Out and Marie Curie
8.00PM: Pupazzi: Inside Out and Marie Curie
8.00PM: Teatru tax-Xjenza (Sensiela dwar id-Dimensja): I Am Still Here
9.00PM: Cinexjenza: Still Alice (Postijiet limitati iżda ma jistgħux jiġu riżervati) 
9.30PM: Teatru tax-Xjenza (Sensiela dwar id-Dimensja): I Am Still Here
10.45PM: Diskussjoni mal-Professur Charles Scerri: Alzheimer’s Disease
Post: Kavallier ta’ San Ġakbu

Il-Ħadd 2 ta’ Ottubru 2016
8.00PM: Teatru tax-Xjenza (Sensiela dwar id-Dimensja): Il-Masġar tal-Allat Siekta
Post: Teatru (Kavallier ta’ San Ġakbu)

Matul l-aħħar jum ta’ Settembru ta’ din is-sena, esperimenti, installazzjonijiet, u prestazzjonijiet se jżewġu l-arti, l-kultura u x-xjenza f’laboratorju kemmxejn differenti – il-Belt Valletta. U din is-sena, l-ispettaklu ta’ Science in the City se jiffoka fuq wieħed mill-aktar sistemi kumplessi fl-univers: il-moħħ.

L-inizjattiva li tqarreb ix-xjenza lejn il-palk teatrali, se twasslilna żewġ produzzjonjiet marbutin mat-tema tad-Dimensja. Teatru Anon se jippreżentaw I Am Still Here – xogħol li jiċċelebra il-ħajja u l-esperjenzi ta’ mara qabel ma’ ntlaqtet b’din il-marda kiefra. It-tieni produzzjoni teatrali, Il-Masġar tal-Allat Siekta, issegwi familja ta’ tlieta li qed jitqabdu mal-effetti u l-konsegwenzi tal-Alzheimer’s.

Science in the City tolqot ukoll lil min iħobb imur iċ-ċinema, bil-film Still Alice. F’dan il-film il-ħajja, il-karriera u l-familja tal-professura tal-lingwistika, Dr Alice Howland, tieħu tisbita meta, f’eta` pjuttost żgħira, tibda tinħakem ftit ftit mill-marda tal-Alzheimer. Il-Professur Charles Scerri se jkun qed imexxi diskussjoni fuq id-Dimensja wara l-film, u b’hekk titkompla s-sensiela popolari ta’ CineXjenza.

L-iskambju tal-informazzjoni u l-għerf hija fil-qalba tal-festival ta’ Science in the City, u għalhekk, l-inizjattiva Malta Café Scientifique se tkun qed twassal l-aktar taħdidiet stimulanti mis-sensiela tas-sena li għaddiet.

Science in the City għandu l-għan prinċipali li jolqot kull tip u xorta ta’ udjenza. Sean Briffa se jkun qed jieħu ħsieb li t-tfal ukoll ikollhom esperjenza mill-isbaħ permezz ta’ Inside Out and Marie Curie – fejn, flimkien ma’ S-Cubed, se jkun qed janima l-pupazzi f’din il-produzzjoni li tnebbaħ reazzjoni bejn ix-xjenza u l-art. U ma ninsewx ukoll li l-programm ta’ Science in the City ikompli tul ix-xhur ta’ wara bis-sessjonijiet popolari ta’ Kids Dig Science, ukoll marbutin mat-tema tal-moħħ u kif dan jirċievi u jipproċessa l-informazzjoni.

Aktar informazzjoni: http://scienceinthecity.org.mt/