- This event has passed.
Songcraft: The Young Singer-Songwriter Showcase
27 April 2019 @ 8:00 pm
€2
Data u Ħin: Is-Sibt, 27 t’April, 2019, 8pm
Post: It-Teatru ta’ Spazju Kreattiv
Prezz: €2 / dħul b’xejn (konċessjoni għall-istudenti)
Minn tħarbixa għal fuq il-palk!
Aġenzija Żgħażagħ u Spazju Kreattiv ingħaqdu sabiex joħolqu inizjattiva marbuta mal-qasam tal-mużika miktuba u mwettqa minn kantawturi żgħażugħa li għandhom bejn 16 u 18-il sena. F’Songcraft 2019 qed jieħdu sehem sitt żgħażagħ li bħalissa qegħdin jippreparaw għal spettaklu li se jseħħ fis-27 ta’ April, li se jiġbor flimkien it-talenti tal-parteċipanti kollha.
Il-kantawturi żgħażagħ tagħna – Mark Ciantar, Lara Micallef, Paolo Micallef, Maya Morrow, Bradley Spiteri, u Maria Vella – qed jaħdmu mal-mentors Alex Alden (kantawtriċi, membru tal-ġurija fuq X Factor Malta), Ivan Borg (Red Electrick), u Alison Galea (Etnika, Beangrowers, The Shh) sabiex jkomplu jtejbu t-talenti tagħhom u jimxu dejjem aktar lejn livell professjonali fil-karriera tagħhom, kif wkoll biex jippreparaw għal rappreżentazzjoni miftuħa għall-pubbliku li se sseħħ fi Spazju Kreattiv. Il-membri tat-tim tal-komunikazzjonijiet ta’ Spazju Kreattiv ukoll se jiggwidaw dawn il-parteċipanti żgħażagħ fir-rigward tal-kummerċjalizzazzjoni tal-mużika u t-tnedija tal-karrieri tagħhom, waqt li l-Youth Workers tal-Aġenzija Żgħażagħ se jsegwu l-progress tagħhom mill-qrib.
L-avventiment li jesponi t-talent ta’ dawn iż-żgħażagħ se jseħħ fis-27 ta’ April 2019. Il-biljetti jinsabu għal bejgħ issa. Dan l-ispettaklu jistiednek tisma’ l-materjal ġdid li qed joffru dawn il-kantawturi ġodda.
Mark Ciantar
Il-mużika ta’ Mark, żagħażugħ ta’ 16-il sena, hija ispirata l-aktar mill-esperjenzi u l-emozzjonijiet tiegħu. Huma fil-fatt il-ħbieb tiegħu u l-esperjenzi tagħhom li ipprovdu l-ispirazzjoni għall-kanzunetta li għażel. Kienet il-passjoni li għandu għall-kitba tal-mużika li wasslitu biex jieħu sehem f’Songcraft, fejn Mark jixtieq li jkompli jtejjeb il-ħiliet tiegħu f’dan il-qasam li tant jħobb.
Lara Micallef
Lara, żagħżugħa mill-Msida, għandha 18-il sena. Fix-xogħol tagħha, Lara tuża s-simboliżmu u l-metafora, u għaliha l-lirika hija importanti daqs il-melodija. Lara qed tieħu sehem f’Songcraft biex issaħħaħ ir-rendiment u l-preżenza tagħha fuq il-palk. Hija ħerqana biex tirċievi l-konsulenza esperta tal-mentor tagħha.
Paolo Micallef
Paolo għandu 16-il sena. Għal Paolo, il-kitba tal-kanzunetti tipprovdi sfog għall-emozzjonijiet – l-esperjenzi tiegħu u dak kollu li jħoss joħorġu fil-kanzunetti tiegħu. Għall-kanzunetta tiegħu, huwa kiteb l-ewwel il-lirika, u minn hemm kompla jibni l-melodija. Paolo qed jieħu sehem f’Songcraft biex jkompli jtejjeb l-għarfien tiegħu fil-kitba ta’ kanzunetti.
Maya Morrow
Hekk kif tiġi l-ispirazzjoni, Maya minnufih tnizzel l-ideat tagħha fuq il-mobile jew xi karta – xi kultant, tant jkollha ideat li lanqas tkun tista’ tlaħħaq magħhom! Meta taħdem fuq kanzunetta, tħalliha għal ftit jiem qabel ma terga’ tmur lura biex ittejjibha. Maya qed tieħu sehem f’Songcraft biex tikber bħala kantanta u biex ittejjeb wkoll il-ħiliet tagħha fil-kitba ta’ kanzunetti.
Bradley Spiteri
Bradley għandu 16-il sena u jattendi l-Junior College. Huwa jara lilu nnifsu bħala kantant li jirrakkonta l-istejjer, iżda għalih, il-melodija dejjem tiġi l-ewwel. Il-kanzunetta magħżula tiegħu għandha melodija malinkonika, u għalhekk l-istorja li qed jirrakkonta Bradley hija wkoll waħda li ta’ swied il-qalb. Bradley qed jieħu sehem f’Songcraft biex itejjeb il-ħiliet tiegħu u biex jakkwista esperjenza f’dan il-qasam kreattiv li tant jħobb.
Maria Vella
Maria għandha 18-il sena u ddoqq it-tastiera. Għaliha, il-mużika tipprovdi sfog għall-espressjoni kreattiva u emozzjonali. Tant hu hekk li għal Maria l-mużika hija forma spiritwali. Hi tikteb f’diversi lingwi, u ilha tikteb il-mużika minn eta żgħira. Maria qed tieħu sehem f’Songcraft bit-tama li tniedi il-karriera mużikali tagħha.
Nirringrazzjaw lill-mentors tagħna talli qed jaqsmu l-għarfien u l-esperjenza tagħhom ma’ dawn iż-żgħażagħ. Ibqgħu ċerti li x-xogħol u l-persistenza tagħhom se jġiegħel lill-kulħadd jkun kburi bihom!
Alexandra Alden, Ivan Borg, Alison Galea
