Film – Narrattivi – Kitba

Data u ħin: Il-Ħadd 20 ta’ Marzu 2016, 9.00AM – 1.00PM
Post: Ċinema (Kavallier ta’ San Ġakbu)

Il-programm tal-Valletta 2018, Storyworks, jiffoka fuq l-iżvilupp ta’ skritti għall-films ma’ gruppi żgħar ta’ produtturi tal-films u kittieba għall-film, bl-għajnuna ta’ esperti fil-qasam. L-għan ta’ din l-inizjattiva, primarjament, hi li toffri lill-parteċipanti tagħha lok fejn ikunu jistgħu jtejbu l-ħiliet tagħhom fil-kitba għal film, filwaqt li jkunu jistgħu jirċievu suġġerimenti u indikazzjonijiet esperti. L-għan aħħari ta’ kull proġett huwa li jakkwista biżżejjed fondi għall-produzzjoni.

Bħala parti mill-programm, Mary Kate O Flanagan u Jean Pierre Magro ser joffru sessjoni ta’ taħriġ fuq il-passi li jistgħu jittieħdu sabiex skritt miktub għaċ-ċinema jew televiżjoni jintlaqa’ minn produtturi bl-iskop li jwettquh.  

Din it-taħdita hija miftuħa għall-pubbliku mingħajr ħlas.

Storyworks huwa kollaborazzjoni bejn Valletta 2018, Malta Film Commission, il-Kunsill Malti għall-Arti u l-Kultura, u Spazju Kreattiv.

Tħul b’xejn