Strange Continuities – Public Presentation

Data u Ħin: Is – Sibt 13 t’April, 2019, 10.30am
Post:Studjow B
Dħul b’Xejn 

Din il-preżentazzjoni turi r-riżultati tal-proġett ‘Strange Continuities’, ir-reżidenza ta’ Dr Lee Campbell li qed isseħħ tul ġimgħatejn fi ħdan l-iSpazju Kreattiv f’April 2019. L-għan tar-residenza huwa li ssir azzjoni kollaborattiva bejn il-komunità ta’ persuni Maltin li huma nieqsa mid-dawl, akkademiċi li qed jaħdmu fid-Dipartiment għall-iStudju dwar id-Diżabbiltà fl-Università ta’ Malta, u ħames studenti mill-kors tal-BA fit-Teatru u r-Raprezentazzjoni. Dawn il-parteċipanti ġew mistiedna minn Campbell sabiex jieħdu sehem f’workshops (magħrufa bħala ‘esplorazzjonijiet’) li jesploraw il-pedagogija multi-sensorja: il-ħoss, is-smigħ, u l-vista batuta. Strange Continuities jifforma parti minn proġett usa li jutilizza metodi diversi ta’ riċerka: ‘You Don’t Need Eyes to See You Need Vision.’ Dan il-proġett, li twaqqaf fl-2015, beda wara li student bil-vista batuta irreġistra għal kors tal-Arti offrut minn Campbell.

Dan l-avveniment huwa mmirat lejn udjenza ta’ 18-il sena u ‘l fuq