- This event has passed.
ONE | SIX Master of Fine Arts in Digital Arts Exhibition 2019
1 June 2019 - 30 June 2019
Dati : Is- Sibt 1 ta’ Ġunju 2019 – Il- Ħadd 30 ta’ Ġunju 2019
Post: Spazju Ċ, Spazju Kreattiv
Prezz: Bla ħlas
ONE in SIX hija l-manifestazzjoni tal-kors ta’ sentejn tal-Maġisteru fl-Arti bi programm fl-Arti Diġitali, imwettaq minn sitt studenti fl-Università ta’ Malta. Bħala wirja tal-gradwati, ix-xogħol muri huwa l-kulminazzjoni ta’ riċerka bbażata fuq il-prattika f’oqsma diversi bħall-memorja, l-arkivji, ir-realtajiet distopiċi u l-etnografija.
L-MFA fl-Arti Diġitali huwa programm li hu bbażat fuq il-prattika, huwa premju ta’ wara l-lawrja fil-prattika u t-teorija tal-arti diġitali. Fih jiġbor ambjent ta’ tagħlim fejn it-tradizzjonijiet u prattiċi ġodda jikkonfrontaw u jinfluwenzaw lil xulxin fuq qafas kuntestwali, kulturali u teoretiku. Din is-sena, kull student tal-MFA uża varjetà ta’ teknoloġiji mħalltin ma’ diversi materjali u proċessi, bħall-fotografija, l-ipprintjar 3D, il-vidjografija, l-iskultura u installazzjonijiet b’materjali mħalltin, sabiex permezz tagħhom, jikkomunika s-sens tal-arti tiegħu.
L-esebizzjoni ONE in SIX tirrifletti l-ħajja f’dinja li aktar ma jmur, aktar hija kkontrollata mill-ambjenti diġitali. Kuljum, kull wieħed minna jiġġenera ammont kważi innumerabbli ta’ interazzjonijiet f’dawn l-ambjenti. Kull azzjoni f’dawn l-ambjenti tħalli traċċi diġitali. Il-pożizzjonijiet artistiċi fl-esebizzjoni ONE in SIX jistaqsu b’mod kritiku dwar l-ambivalenza ta’ din il-ħajja f’dinja diġitali. Diversità tematika ta’ din ix-xorta hija segwita minn trasformazzjoni fil-modi kif nifhmu x-xogħlijiet artistiċi, aħna u nitbiegħdu mill-avviċiniment tradizzjonali lejn l-arti viżwali u diġitali, u nagħtu aktar attenzjoni lill-pretesti, il-paratesti u l-kuntesti li jikkostitwixxuha. Għalhekk, wieħed jikseb aċċess imġedded għal mistoqsijiet ambjentali u ontoloġiċi dejjem aktar urġenti.
L-esebizzjoni ONE in SIX se ssir fi Spazju Ċ fi Spazju Kreattiv, il-Kavallier ta’ San Ġakbu, il-Belt Valletta, bejn l-1 u t-30 ta’ Ġunju, 2019.
Nhar l-Erbgħa, 26 ta’ Ġunju, 2019, 6pm ser ikun hemm taħdita mill-artisti bħala parti mis-sensiela Art Additives.