Dati u ħin: 13 April 2018, 8pm
Post: Studjow A

Il- Purċizzjoni tal- għajbien (The Procession of Disappearance) hija att dwar l-elementi f’Għawdex li qegħdin fi proċess li jisparixxu. Elementi bħat-tmermir tal-ħamrija prezzjuża tal-gżira, leġġendi u stejjer qawwijin li qatt ma ġew preservati f’publikazzjoni, id-djalett Għawdxi u it-telfa ta pajsaġġi tant maħbubin. Dan l-att se jgħin li jsaħħaħ dawn l-elementi li ma jinagħtawx każ biżżejjed. Minkejja kollox l-att mhux se jkun biss bħala luttu għall-elementi li se jisparixxu, iżda bħala tifkira ta’ l-istat efemerju tagħna wkoll.

Dan l-avveniment fi Spazju Kreattiv se jsir fl-aħħar jiem ta’ residenza ta’ kollettiv ta’ sitt artisti emerġenti li ġejjin minn kuntesti internazzjonali diversi. L-avveniment se jikkonsisti fi preżentazzjoni nformali f’forma ta’ wirja tax-xogħol u tisjibiet tal-artisti f’forma ta’ muntaġġ, atti qosra, djalogu u nstallazzjoni.