"PEER GYNT" huwa dramm li jsegwi il-ħajja u avventuri ta' wieħed mill-akbar giddieba Ewropej filwaqt li jgħaddi minn vjaġġ eċitanti u surreali. Insegwu dan il-fantażista impulsiv li jerfa' lilu nnifsu mill-faqar għal ġid u poter oxxen. Peer Gynt, il-karattru titulari, iħobb lin-nisa, joħlom u jħawwad. Irid isir sinjurun u jistabilixxi l-identita' tiegħu.
Wara s-serje ta’ wirjiet tagħha fir-Renju Unit, fejn inbiegħu l-biljetti kollha, u n-nominazzjoni għall-Olivier Award fl-2023, Blackout Songs (Għanjiet il-Baħħ) ta’ Joe White ġejja fit-Teatru Spazju Kreattiv. Taħt id-direzzjoni ta’ Toni Attard u maqlub għall-Malti minn Mark Vella, d-dramm juri żewġ individwi li jiltaqgħu b’kumbinazzjoni f’laqgħa tal-AA u li jsibu ruħhom f’rabta ta’ ġenn mimlija passjoni.
Għal 5 snin, Kym kienet tkanta mal-grupp ta' mużika alternattiva lokali Brikkuni, grupp ferm stabbilit fix-xena lokali. Spikka leħinha f'dwetti li ħareġ dan il-grupp bħal "Il-Lupu Ma Jibdilx il-Pil" u "Fomm ir-Riħ". Fil-fatt, leħen Kym jinstema' f'diversi kanzunetti fl-aħħar żewġ albums tal-Brikkuni, b'diski b'lirika bil-Malti, Rub Al-Khali u Il-Ħajja, il-Mewt, in-Nisa. Fl-2020 Kym Pepe ħarġet mużika għall lewwel darba taħt isimha, bil-ħruġ tad-debut tagħha, l-EP "Kun". Bit-twaħħid ta' melodiji memorabbli minsuġa ma' keyboards b'ħoss rikk u varjat, l-EP introduċa dimensjoni għal kollox ġdida għall mużika b'lirika bil-Malti. Kym magħrufa wkoll għal żewġ singles li ħarġet, "Armier" u "Mill-Bidu". L-aħħar single tagħha, "Dalgħodu", hija kollaborazzjoni mal-awtur Immanuel Mifsud, li kiteb il-lirik
Ingħaqad magħna għall-aktar serata pjaċevoli tal-vaganzi fi Spazju Kreattiv dan il-Milied b’Chucky’s Christmas Cracker - A Solo Panto Experience! B’Kitba u Direzzjoni ta’ Vikesh Godhwani (Panto in the Dark Series, Mid-Djarju ta' Student fi Skola Tal-Knisja ta’ James Cardona) din il-pantomima b’persuna waħda għandha bħala protagonista lid-drag queen ikonika ta' Malta u Voice of Love Island Malta, Chucky, li tinterpreta kull karattru f’interpretazzjoni li taqsmek bid-daħq ta’ Beauty and the Beast.
Il-Qarċilla hija 'farsa tat-triq' għal żmien il-Karnival jew reċta li tirrappreżenta kuntratt taż-żwieġ li fih kulħadd jiddikjara dak kollu li jiġi ġo moħħu: x’rigali jkunu se jirċievu l-għarajjes mingħand il-ġenituri, mingħand ix-xhieda, l-ħbieb, kif ukoll mingħand ċerti persuni prominenti u korpi kostitwiti, kollox taħt forma ta’ versi rrimati. U n-nutar irid jieħu ħsieb jiddokumenta kollox biex il-biċċa tkun torbot legalment. Ovvajment, waqt dan kollu tkun qed titwassal satira dwar il-qagħda politika u soċjali tal-pajjiż.
The Last Lamentation hija ritwal tal-funeral għall-Mediterran, meqjus bħala post ta’ stennija, sospensjoni u mewt, inkarnazzjoni ta’ assenza. Salib it-toroq tad-dijaspori tal-lum, il-baħar jirribatti permezz ta’ prestazzjoni korali ispirata mit-tradizzjoni antika ta’ luttu professjonali, li tgħaqqad il-lament ta’ Sardinja – il-post fejn twieled l-artist – ma’ dak tal-pajjiżi ġirien.
Blanket Ban hija docu-play mfassla biex teżamina l-projbizzjoni tal-abort f'Malta.
Il-Manifest tal-Qlub Maqsuma huwa progett teatrali li ser jesplora ż-żminijiet u t-tensjoni politiku tat-80ijiet f’Malta mill-għajnejn tal-poplu. Il-proġett ser jidħol direttament fil-firda li kien hemm bejn Karmenu Mifsud Bonnici u Eddie Fenech Adami.
Ingħaqad magħna għal ċelebrazzjoni vibranti ta’ teatru innovattiv u divers fis-6 u s-7 ta’ Ġunju, 2025. Dan l-avveniment tal-festival ġdid se jinkludi produzzjonijiet teatrali qosra u oriġinali, li qatt ma ttellgħu, kull waħda iddum minn 10 sa 20 minuta, bil-Malti jew bl-Ingliż, li tesplora kwistjonijiet kontemporanji u d-diversità kulturali. Il-produzzjonijiet magħżula se jiġu esegwiti tliet darbiet fuq jumejni f’diversi postijiet uniċi fi ħdan Spazju Kreattiv.
Aġenzija Żgħażagħ u Spazju Kreattiv għal darb'oħra ingħaqdu flimkien biex jorganizzaw programm professjonali għal kant-awturi ta' talent bejn is-16 u l-20 sena. Mgħejjun minn kant-awturi rinomati lokalment, il-parteċipanti magħżula se jirċievu taħriġ individwali, li jilħaq il-qofol tagħhom f’vetrina ta' xogħol oriġinali tagħhom quddiem udjenza fit-Teatru Spazju Kreattiv fl-2025.
Aġenzija Żgħażagħ u Spazju Kreattiv għal darb'oħra ingħaqdu flimkien biex jorganizzaw programm professjonali għal kant-awturi ta' talent bejn is-16 u l-20 sena. Mgħejjun minn kant-awturi rinomati lokalment, il-parteċipanti magħżula se jirċievu taħriġ individwali, li jilħaq il-qofol tagħhom f’vetrina ta' xogħol oriġinali tagħhom quddiem udjenza fit-Teatru Spazju Kreattiv fl-2025.
Dance Festival Malta huwa festival multidixxiplinarju li jikkultiva ekosistema taż-żfin f’Malta billi jipprovdi lill-istudenti u lill-professjonisti taż-żfin bi pjattaforma għal taħriġ intensiv u ta' żvilupp professjonali. Mifrux fuq erbat ijiem f’Lulju, l-festival se jospita serje ta’ workshops, masterclasses u wirjiet li jiċċelebraw ir-rikkezza tal-lingwa universali tal-kulturi taż-żfin, li jinkludu artisti u koreografi internazzjonali stabbiliti.
