The Last Lamentation hija ritwal tal-funeral għall-Mediterran, meqjus bħala post ta’ stennija, sospensjoni u mewt, inkarnazzjoni ta’ assenza. Salib it-toroq tad-dijaspori tal-lum, il-baħar jirribatti permezz ta’ prestazzjoni korali ispirata mit-tradizzjoni antika ta’ luttu professjonali, li tgħaqqad il-lament ta’ Sardinja – il-post fejn twieled l-artist – ma’ dak tal-pajjiżi ġirien.
Tfal tax-Xemx huwa l-album il-ġdid ta' l-artist Michael Azzopardi li jiżvolġi madwar il-kunċett ta’ tiġdid. Il-kanzunetti huma enerġetiċi u f’ċertu mumenti meditattivi. Jiġbru flimkien il-vuċijiet ta’ kor tat-tfal u mużiċisti tal-Orkestra Filarmonika ta’ Malta. Tfal tax-Xemx, referenza għal Fille du Soleil ta’ Francis Lai, jinkludi wkoll kontribuzzjonijiet minn artisti lokali stabbiliti, fosthom il-kompożitur u arranġatur Veronique Vella, u l-produttur Jimmy Bartolo, li għal darb’oħra ta l-ħajja lill-mużika ta' Michael Azzopardi.
Fuq l-ogħla punt fil-Belt Valletta, imdawwar bejn sekli ta’ storja jinsab il-Kavallier ta’ San Ġakbu. Fortifikazzjoni maħsuba biex tiddefendi l-belt kapitali ġdida mibnija mill-famuż Ordni tal-Kavallieri ta’ San Gwann.
Il-Manifest tal-Qlub Maqsuma huwa progett teatrali li ser jesplora ż-żminijiet u t-tensjoni politiku tat-80ijiet f’Malta mill-għajnejn tal-poplu. Il-proġett ser jidħol direttament fil-firda li kien hemm bejn Karmenu Mifsud Bonnici u Eddie Fenech Adami.
Ingħaqad magħna għal ċelebrazzjoni vibranti ta’ teatru innovattiv u divers fis-6 u s-7 ta’ Ġunju, 2025. Dan l-avveniment tal-festival ġdid se jinkludi produzzjonijiet teatrali qosra u oriġinali, li qatt ma ttellgħu, kull waħda iddum minn 10 sa 20 minuta, bil-Malti jew bl-Ingliż, li tesplora kwistjonijiet kontemporanji u d-diversità kulturali. Il-produzzjonijiet magħżula se jiġu esegwiti tliet darbiet fuq jumejni f’diversi postijiet uniċi fi ħdan Spazju Kreattiv.
Aġenzija Żgħażagħ u Spazju Kreattiv għal darb'oħra ingħaqdu flimkien biex jorganizzaw programm professjonali għal kant-awturi ta' talent bejn is-16 u l-20 sena. Mgħejjun minn kant-awturi rinomati lokalment, il-parteċipanti magħżula se jirċievu taħriġ individwali, li jilħaq il-qofol tagħhom f’vetrina ta' xogħol oriġinali tagħhom quddiem udjenza fit-Teatru Spazju Kreattiv fl-2025.
Dance Festival Malta huwa festival multidixxiplinarju li jikkultiva ekosistema taż-żfin f’Malta billi jipprovdi lill-istudenti u lill-professjonisti taż-żfin bi pjattaforma għal taħriġ intensiv u ta' żvilupp professjonali. Mifrux fuq erbat ijiem f’Lulju, l-festival se jospita serje ta’ workshops, masterclasses u wirjiet li jiċċelebraw ir-rikkezza tal-lingwa universali tal-kulturi taż-żfin, li jinkludu artisti u koreografi internazzjonali stabbiliti.
