Archives: Events

L-opra fantastika ta’ Offenbach tiftaħ l-istaġun ta’ xandiriet ta’ spettakli Live in HD mill-Metropolitan Opera, bit-tenur Franċiż, Benjamin Bernheim, fir-rwol ewlieni tal-poeta tturmentat. Ma’ Bernheim jingħaqdu s-sopran Amerikana, Erin Morley, fil-parti ta’ Olympia, is-sopran tal-Afrika t’Isfel, Pretty Yende, fil-parti ta’ Antonia, u l-mezzo-sopran, Clémentine Margaine, fil-parti ta’ Giulietta li jikkompletaw it-triju ta’ maħbubin ta’ Hoffman. Marco Armiliato jmexxi l-produzzjoni evokattiva ta’ Bartlett Sher, li fiha jieħdu sehem ukoll il-baxx-baritonu Amerikan, Christian Van Horn, fil-parti tal-Erba’ Villani u l-mezzo-sopran Russa, Vasilisa Berzhanskaya, fid-debutt tagħha mal-kumpanija bħala Nicklausse. 

L-opra l-ġdida b’messaġġ b’saħħtu tal-kompożitriċi Jeanine Tesori, rebbieħa tat-Tony Award, Grounded tintwera għall-ewwel darba fil-Metropolitan Opera, u tindirizza l-problemi li ħolqot l-gwerra tas-seklu 21 li ħafna drabi jiġu injorati, il-kunflitti etiċi maħluqa mill-użu ta’ teknoloġija militari moderna u l-piż psikoloġiku u emozzjonali li teknoloġija remota li suppost hija sikura tħalli fuq is-suldati tagħna. Il-mezzo-sopran Kanadiża, Emily D’Angelo, tinterpreta l-parti tal-famuż bdot tal-ajruplani tal-gwerra li t-tqala mhux ippjanata tagħha ġġiegħelha 

Is-sopran straordinarja Norveġiża, Lise Davidsen, tinterpreta l-parti tad-diva protagonista mimlija passjoni fil-produzzjoni eċċitanti ta’ David McVicar, trażmessa b’mod dirett fit-23 ta’ Novembru mill-palk tal-Metropolitan Opera ġewwa ċ-ċinema. It-tenur Brittaniku-Taljan Freddie De Tommaso jagħmel id-debutt tant mistenni tiegħu mal-kumpanija bħala l-maħbub rivoluzzjonarju ta’ Tosca, Cavaradossi, u l-baritonu Amerikan ta’ talent kbir, Quinn Kelsey, jinterpreta l-parti tal-kap sadistiku tal-pulizija Scarpia. Il-Maestro Xian Zhang jidderieġi l-mużika mimlija enerġija, li tinkludi wħud mill-melodiji memorabbli ta’ Puccini.

Is-sopran straordinarja Norveġiża, Lise Davidsen, tinterpreta l-parti tad-diva protagonista mimlija passjoni fil-produzzjoni eċċitanti ta’ David McVicar, trażmessa b’mod dirett fit-23 ta’ Novembru mill-palk tal-Metropolitan Opera ġewwa ċ-ċinema. It-tenur Brittaniku-Taljan Freddie De Tommaso jagħmel id-debutt tant mistenni tiegħu mal-kumpanija bħala l-maħbub rivoluzzjonarju ta’ Tosca, Cavaradossi, u l-baritonu Amerikan ta’ talent kbir, Quinn Kelsey, jinterpreta l-parti tal-kap sadistiku tal-pulizija Scarpia. Il-Maestro Xian Zhang jidderieġi l-mużika mimlija enerġija, li tinkludi wħud mill-melodiji memorabbli ta’ Puccini.

Is-sopran Amerikana, Angel Blue, tinterpreta l-parti prinċipali tal-prinċipessa Etjopjana li ma tistax tagħżel bejn l-imħabba u pajjiżha fi produzzjoni ġdida tal-Aida ta’ Verdi minn Michael Mayer li tieħu l-udjenzi ġewwa l-piramidi enormi u l-oqbra indurati tal-Eġittu tal-qedem bi projezzjonijiet kumplessi u animazzjonijiet impressjonanti. Il-mezzo-sopran Rumena-Ungeriża, Judit Kutasi, tieħu sehem ukoll bħala r-rivali ta’ Aida, Amneris, flimkien mat-tenur Pollakk, Piotr Beczała, fil-parti tas-suldat Radamès, li jikkompleta l-akbar triangolu tal-imħabba tal-opra. Id-Direttur tal-Mużika tal-Met, Yannick Nézet-Séguin, imexxi l-ispettaklu tal-25 ta’ Jannar, li se jiġi trażmess b’mod dirett mill-palk tal-Metropolitan Opera ġewwa s-swali taċ-ċinema madwar id-dinja.