Archives: Events

Fis-26 ta’ April, il-kummiedja klassika ta’ Mozart se tirritorna fiċ-ċinema ta’ madwar id-dinja bi trażmissjoni diretta mill-Metropolitan Opera. Il-konduttriċi Joana Mallwitz, fid-debutt tagħha fil-Met, tmexxi kast eċċezzjonali inkluż il-baxx-baritonu Amerikan, Michael Sumuel, bħala l-kamrier intelliġenti Figaro, is-sopran Ukrena, Olga Kulchynska, bħala s-seftura makakka Susanna, il-baritonu Kanadiż, Joshua Hopkins bħala l-Konti li ma jistax jara mara, is-sopran Taljana, Federica Lombardi, bħala l-mara dejjem imdejqa tiegħu, u l-mezzo-sopran Franċiża, Marianne Crebassa, bħala ż-żagħżugħ nobbli Cherubino.

Fis-17 ta’ Mejju, id-Direttur tal-Mużika tal-Met, Yannick Nézet-Séguin, imexxi t-traġedja f’att wieħed ta’ Strauss, li se tiġi trażmessa b’mod dirett mill-palk tal-Metropolitan Opera ġewwa s-swali taċ-ċinema madwar id-dinja. Filwaqt li jmexxi l-ewwel produzzjoni ġdida tax-xogħol tal-kumpanija f’20 sena, Claus Guth, wieħed mill-aqwa diretturi tal-opra fl-Ewropa, jibbaża l-istorja biblika fuq ambjent psikoloġikament perċettiv tal-era Vittorjana. Is-sopran mill-Afrika t’Isfel, Elza van den Heever, tmexxi kast rinomat fil-parti tal-antierojina abbużata u bi problemi mentali, bil-baritonu Żvediż, Peter Mattei, bħala l-profeta priġunier Jochanaan; it-tenur Ġermaniż Gerhard Siegel bħala l-missier żieni ta’ Salome, ir-Re Erodi; il-mezzo-sopran Amerikana, Michelle DeYoung, bħala martu, Herodias; u t-tenur Pollakk, Piotr Buszewski, bħala Narraboth.

Fil-31 ta’ Mejju, l-istaġun Live in HD tal-2024-25 tal-Metropolitan Opera jasal fi tmiemu bi trażmissjoni diretta tal-kummiedja animata ta’ Rossini. Il-mezzo-sopran Russa, Aigul Akhmetshina, hija l-protagonista ta’ cast mill-aqwa bħala l-eroina mimlija enerġija, Rosina, flimkien mat-tenur Amerikan Jack Swanson, fid-debutt tiegħu fil-Met, bħala l-maħbub sigriet tagħha, il-Konti Almaviva. Il-baritonu Moldovan, Andrey Zhilikhovsky, fil-parti ta’ Figaro, il-barbier b’moħħu jilħaqlu ta’ Sevilja, bil-baxx-baritonu Ungeriż, Peter Kálmán, bħala Dr Bartolo u l-baxx Russu, Alexander Vinogradov, bħala Don Basilio li jiffurmaw il-kumplament tal-kast prinċipali. Giacomo Sagripanti jmexxi l-produzzjoni mhux tas-soltu ta’ Bartlett Sher.

Fis-26 ta’ April, il-kummiedja klassika ta’ Mozart se tirritorna fiċ-ċinema ta’ madwar id-dinja bi trażmissjoni diretta mill-Metropolitan Opera. Il-konduttriċi Joana Mallwitz, fid-debutt tagħha fil-Met, tmexxi kast eċċezzjonali inkluż il-baxx-baritonu Amerikan, Michael Sumuel, bħala l-kamrier intelliġenti Figaro, is-sopran Ukrena, Olga Kulchynska, bħala s-seftura makakka Susanna, il-baritonu Kanadiż, Joshua Hopkins bħala l-Konti li ma jistax jara mara, is-sopran Taljana, Federica Lombardi, bħala l-mara dejjem imdejqa tiegħu, u l-mezzo-sopran Franċiża, Marianne Crebassa, bħala ż-żagħżugħ nobbli Cherubino.

Fil-31 ta’ Mejju, l-istaġun Live in HD tal-2024-25 tal-Metropolitan Opera jasal fi tmiemu bi trażmissjoni diretta tal-kummiedja animata ta’ Rossini. Il-mezzo-sopran Russa, Aigul Akhmetshina, hija l-protagonista ta’ cast mill-aqwa bħala l-eroina mimlija enerġija, Rosina, flimkien mat-tenur Amerikan Jack Swanson, fid-debutt tiegħu fil-Met, bħala l-maħbub sigriet tagħha, il-Konti Almaviva. Il-baritonu Moldovan, Andrey Zhilikhovsky, fil-parti ta’ Figaro, il-barbier b’moħħu jilħaqlu ta’ Sevilja, bil-baxx-baritonu Ungeriż, Peter Kálmán, bħala Dr Bartolo u l-baxx Russu, Alexander Vinogradov, bħala Don Basilio li jiffurmaw il-kumplament tal-kast prinċipali. Giacomo Sagripanti jmexxi l-produzzjoni mhux tas-soltu ta’ Bartlett Sher.